Bap-Met Wolke Schwaade Lyrics

Op dä Südbröck stonn ich off Stunde.
Immer widder luhr ich dä Möve un dä Schleppkähn noh

Loss ming Jedanke frei.
Ne Jüterzoch un ungendurch dä Rhing flühß wigger

Su wie sick Johr un Daach
Als ob nix wöhr

Stumm
Majestätisch ahn dä Stadt vorbei.

Dä Fluss ess grau un schwer die Wolke övver Kölle.
Ming Stadt ess alt
Dat heiß:
Nit häßlich
Nur zo plump jeschmink.
Die Uferstein allein künnte vill verzälle.
Womöglich dunn die dat sujar
Su laut se künne

Bloß mir sinn taub un blind.

Ich däät ens jähn met Wolke schwaade.
Ich wöss vum Rhing jähn
Watte denk.
Ich wöss jähn
Wodrop mir noch waade

Wat uns wie Lemminge en Richtung Affjrund lenk.

Kölle - Berlin
Em Fliejer will ich dat he schrieve.
Die naach ess wolkelos
Do unge funkelt Kassel
... schon vorbei.
Ich frooch mich: Wat ess met mir loss?
Benn ich ahm övverdrieve?
Do kütt die Stewardess
Ob ich ne Wunsch hätt

Nä, 's alles einwandfrei!

Ich däät ens jähn met Wolke schwaade.
Ich wöss vum Rhing jähn
Watte denk.
Ich wöss jähn
Wodrop mir noch waade

Wat uns wie Lemminge en Richtung Affjrund lenk.

Song Lyrics Posted By : Lyrics File.
Title : Bap-Met Wolke Schwaade Lyrics. Artist : Bap
Disclaimer: Bap-Met Wolke Schwaade Lyrics posted in this blog is only for promotional purposes, learning music, and evaluation. Bap-Met Wolke Schwaade Lyrics is copyright / property of Songwriters, artists, music labels are concerned. Purchase CD / VCD / DVD / Cassette original and also Ring Back Tone of songs related to the Bap-Met Wolke Schwaade Lyrics.

Response to "Bap-Met Wolke Schwaade Lyrics"